Comunicáu oficial de Democracia Real Yá :
Dempués del ésitu de la convocatoria del 15 de mayu y de les acampaes y concentraciones nes places de tou l’Estáu, el Movimientu 15M nun pue parar, nun podemos conformanos siendo tovía mercancía nes manes de políticos y banqueros. La nuesa llucha sigue.
Trabayadores/as, desemplegaos/das, estudiantes, xóvenes, xubilaos/das, hipotecaos/das… nun queremos remanecer impasibles ante tolos ataques y recortes que van siguir faciéndose, esta vegada dende Europa. Esta convocatoria apaez una selmana enantes de la firma del Pactu l’Euru, un acuerdu que supón l’empobrecimientu de la sociedá europea pa beneficiu de la banca y les grandes empreses, colos aumentos na edá de xubilación, privatización del sector públicu y recortes nos drechos de los trabayadores, ente otres midíes. Ye necesario movilizase y parar esti acuerdu.
Caltenemos les idees que nos llevaron a la cai’l 15 de mayu, pero nesta vegada dando más énfasis na llucha escontra les reformes llaborales y a les pensiones, lleis inxustes como les actuales llei eleutoral ya hipotecaria, amás d’otres reivindicaciones onde les marches nun fueron convocaes por Democracia real Yá. La población ta fartuca y ye más qu’evidente. Sabemos qu’esta llucha va tomanos munchu esfuerzu: nun vamos poder iguar nun añu lo que xestóse en tantos, pero nun vamos arrenunciar.
La Plataforma fai un llamamientu pa xunise a toles convocatories pensaes pa esi día, delles convocaes pola mesma plataforma y otres, como en Barcelona, pola Acampada de Plaça Catalunya o en Madrid poles Asamblees de Trabayadores de Pueblos y Barrios de Madrid. La hora d’entamu pue camudar dependiendo de la llocalidá, tái atentos.
Animamos a los grupos y acampaes internacionales pa aniciar de nuevu les movilizaciones de la selmana del 15M y entamar concentraciones o marches nes sos respeutives ciudaes el 19 de xunu. Encendióse’l llume’l cambiu, pero entá nada camudó: siguimos siendo mercancía nes manes de políticos y banqueros. Per ello, ¡convocámosvos de nuevu a siguir reclamando LOS NUESOS DRECHOS! ¡El 19 de xunu VOLVEREMOS TOMAR LES CAIS!
Pol futuru de los xóvenes y la dignidá de los mayores.
http://blog.dryasturies.org/?p=164
---------------------------------------------------------------------------------------------------------
OVIEDO:
Mail: acampadaoviedo(arroba)gmail.com
Blog Oviedo
Facebook: Acampada Oviedo
Twitter: @acampadaoviedo @dry_oviedo
XIXÓN:
Mail: acampadaxixon(arroba)gmail.com
Blog: http://acampadaxixon.wordpress.com/
Facebook: Acampada Xixón
Twitter: @acampadaxixon
AVILÉS:
Mail: acampadaaviles(arroba)gmail.com
Facebook: Acampada Avilés
Twitter: @acampadaaviles
Web de Avilés
POLA DE SIERO:
Facebook: Concentración Siero
MIERES:
Mail: drymieres(arroba)gmail.com
Blog: http://drymieres.blogspot.com
Facebook: Acampada Mieres
Twitter: @acampadamieres
LANGREO:
Facebook: Acampada Langreo
CARREÑO:
Facebook: Democraciarealya Carreño
NAVIA:
Facebook: Asamblea Ciudadana
ORIENTE: Colectivo Canturies (Cantabria y Asturies)
Mail: canturies@gmail.com
Blog: http://www.canturies.blogspot.com
Facebook: Colectivo Canturies
No hay comentarios:
Publicar un comentario